DNS ჩანაწერი

DNS ჩანაწერი არის ინსტრუქცია, რომელიც სერვერს აწვდის ინფორმაციას დომენის შესახებ: რომელ IP მისამართზე მიუთითებს დომენი და როგორ უნდა დამუშავდეს მოთხოვნა.

ინტერნეტთან დაკავშირებულ თითოეულ მოწყობილობას აქვს უნიკალური IP მისამართი. DNS სერვერები ამარტივებენ კომუნიკაციას იმის საშუალებით, რომ ადამიანებს აღარ სჭირდებათ ნომრების დამახსოვრება.

როგორ მუშაობს DNS

DNS გარდაქმნის hostname-ს (მაგალითად www.example.com) კომპიუტერისთვის გასაგებ IP მისამართად (მაგალითად 192.168.1.1). ამის შემდეგ მოწყობილობა სწორად აცნობიერებს, თუ რომელ სერვერთან უნდა დაუკავშირდეს.

ძირითადი ჩანაწერები

A ჩანაწერი — შეიცავს დომენის IPv4 მისამართს. ყველაზე ფუნდამენტალური ჩანაწერი, რომელიც მიუთითებს საიტის ჰოსტინგ სერვერზე.

AAAA ჩანაწერი — მუშაობს ზუსტად ისე, როგორც A ჩანაწერი, მაგრამ IPv6 მისამართებისთვის.

MX ჩანაწერი — განსაზღვრავს, რომელ email სერვერზე უნდა გადაიგზავნოს ფოსტა.

NS ჩანაწერი — მიუთითებს, თუ სად უნდა იპოვოს ინტერნეტმა დომენის IP. ჩვეულებრივ არსებობს მთავარი და მეორეხარისხოვანი NS ჩანაწერები.

TXT ჩანაწერი — გამოიყენება სხვადასხვა ტექსტური მონაცემის შესანახად, განსაკუთრებით ელფოსტის უსაფრთხოების დასამატებლად.